放榜心慌慌
今個星期開始，每日都為中六的事宜而着急，諗吓升唔到會點，
家人也迫我去選，其實雖然出路多，但真正適合的又有多少?所以
想着想着，就哭了很多次。
到派成績單了，12分，1B3D2E，要星期五先至到我撲學校，升不到原校，
IVE後補，去中大報高級文憑，又去了沙田、大圍睇吓有邊間偷雞收人，姐姐們都
請假來陪我…….日日check住邊度有學位…….
好不容易才熬到星期五，7點幾同小雞、小花到喇沙等，勁多人。8點9收左
12分或以上的成績單，等…等…有我地學校的，有小學同學，有不認識的，大家都
在等…
等果陣，個黑衣師奶話呢度勁少位，叫我走，其實仲有15個位，她騙人，好衰。
到10點幾都無人叫我，勁驚!!!到最後一批，有我喇!!!入去填FORM，等interview，
我interview果陣11點幾喇，如果唔得就係咁先，所以只可成功，不許失敗。好彩有準
備，d問題唔係好難，無口啞啞，易過上次m記果d，又半個鐘，終於得左!!!去註冊了，
我無令你地失望，小花話本來落雨，我下來就好天了，之後就報喜，搭車搵在上班的
小雞，食左好多雪糕，小花變左佢助手，之後我收到個變態的電話，打到7點仲打來，
1秒就掛線，鬧都鬧唔到，星期六又係咁…….
開始準備買新學年的東西，依家係男校女生了，要乘校車了，學校勁大，不過周圍
好荒蕪。圖書館都2000呎，有氣象站(全hk得我地有咋)，我AL修文學、中史，AS修通
識，無HISTORY讀，有D傷心，我拎B的…
多謝曾擔心過我，幫我的人。我會向我的目標中大中文系努力!!!
(0)