星期五嗨嗨嗨
星期五喇，尋日上完英文補習，覺得好恐怖，我要勁努力至得，靠學
校可能死得，返到屋企8PM，又累又餓，食左個包，之後開飯。不過派
文學作文勁開心，8/10，應該係最高分，好驚離題。題目是”聽雨”。
食完飯睇完”鳳凰四重奏”沖涼，好耐無追劇，而家講果個年代好鍾意，
仲有羅冠蘭，正!!!六七八十年代的東西我都好喜歡。之後做英文補習果
D練習，瞓。
今日上通識，玩拍賣自己想要的才能之類，我第一個用全部身家，瞓身
去買”聰明智慧”，我蠢嘛，所以想醒D~
個猩猩同學，在單行紙上畫上一粒大星，舉起來競投，笑死。
之後上PE，我地女仔人多勢眾，去了大D的男更衣室換衫，去打籃球，好耐無打，
隻手同隻腳累到”條條FING”，入左幾球，多數中板，不復當年了。
上文學，作文，聽了一段音樂，要憑音樂給你的感覺寫一個故事，我寫了一個快要
死去的老人的故事，寫他在死前回想過去，他身於動亂，十來歲被召入伍，之後被
日軍俘虜，被打折了腿，後被救，不過回村卻遭人白眼和欺凌，之後不滿國內政局，
與村人游水到香港，到藥廠打工，認識了妻子，後卻因難產死去，餘下孖仔，他含
辛茹苦咁揍大佢地，後被兒子丟下，之後寫佢生無可戀缺乏意志之下死去。大概係
咁，簡略了，寫左1000字左右，返學至交。
搵左阿媽(其中一個班主任)講番我地班的問題和問他拿表，重考ENG，目標升一個級，
拎D。
好啦，星期六，做功課，慶祝小恩CITY同學的生日，好耐無見你地喇，掛住你們啊~
聽到小津在課室常咆哮，叫我的名字，係咪好掛住我呢﹖哈哈。我成日打乞嚏，可能
因為咁，我都想搵人同我扮下菲傭。
準備好了，星期六日自修室是我家。
(0)