倦透了，但快樂。
假期的日子總過得很快，轉眼又星期一了。星期六一大早和詩茵媽媽
去了自修室，好叻叻呀我，三個鐘做唒功課，一份800字通識+800作文+
一篇400字英文+查字典……好有效率，唔會hea走d時間。
去好耐無去的山東餃子店食，依然是簡單的美味。之後去買紙巾，果日因大感，
用了三包紙巾，同埋問詩茵媽媽借中史note影印，返到去見到小倩+菁怡，好耐無見。
之後做了些英文練習和看了一些通識，差不多四點走人。
本來想打table tennis，不過d檯俾人book哂，我地先知原來我地呢頭d人幾熱
愛運動。我們只好在場內的空椅坐下來談天，之後在商場逛，去m記吃雪糕。之後，
我們和小津、小花和小雞一同挑蛋糕給我們預祝生日的主角city恩恩同學，之後一起
去延苑(一韓國餐廳)慶祝，其間發生了……靈異照片事件、核突二人組的成立與小津
寫真集可能出版，哈哈，好飽，你喜歡那蛋糕就好了。
之後，去榮福個公園玩，諗起下午”福榮事件。”玩歡樂賀鄔恩，哼出東華的籌款音
樂，我們就表演浸豬籠，我們輪流扮總理和支票，待表演者表演完畢後，影合照，護衛
員見到，不禁白了我們一眼，個鞦韆好矮，打到隻腳好辛苦，我扮曹達牙(曹達華+哨
牙婆)使出”如來神掌”推她們。仲有呀，個公園有個bb仔好得意，見閃光燈就瞇眼，
不過，我部手提無閃光燈，拍到佢睜開眼呀，仲拍左佢”逃離鞦韆記”的video，最近
也遇到不少可愛的bb，我都幫佢地拍video，上次係新第世紀見果個bb都好得意，
着橙色衫，笨拙地在木板爬又左搖又擺的行，我也有過這時候呢，見到佢地就開心，
唔迫識攰。
玩左一個鐘，個肚開始餓，去食糖水，食左個太極豆腐花，個花茶大菜糕無整，無
得試。返歸，發覺自己解體，兩隻腳好像玩浸豬籠時撞到d鐵，好痛，加埋之前打籃球
果d痛和大感，第二天（星期日）的活動是看醫生和休養。不過好痛快，好開心。
(0)