星期四
星期四:
賴床，六點八先起身，唔見左隻拖鞋，名副其實”單拖。”不到七點奔出
門口，竟然去得到7記買早餐，哈，仲係第一個上校車的小朋友。
之後返課室，俾個代課阿sir狂鬧我地班，癡線。
發現melody無返學，好擔心佢，成日心緒不寧，無咩心機，同希希都
唔習慣無左佢。
lunch，中文學會開會，癡線，d人爭主席，我不嬲與世無爭，做左個宣傳，
總之做康樂啦，都唔知自己點解選做宣傳……個阿sir因為瞓着左，遲左5分
鐘，有d無奈，聽到佢咁講，個頭出現小丸子式的垂直線與水點，希希做左
學術。
中史討論，曉和阿淇哥好厲害，識好多嘢，聽到我同阿烈傻，我同佢地中史都D，
阿烈C，有d覺得分數和識見未必有關，考試要講對果種模式熟，你就高分，唔係
話完全否定高grade的人，不過grade不代表一切，佢2個真係幾勁。
好不容易熬到放學，他媽的走了架76k，我趕住去太子補習，等左4個字，有車，
一個字到上水火車站，在火車站月台，看到一個熟識的背影……她也發現了我，我
們相認，她是我小學時的玩伴，現在中五理科，多年不見，不曾碰面，各有各忙，
倒是媽媽常見到她，我才知道好的一點點。我們一起乘火車，談天，希望她會考成功。
之後4:45pm，約左補習社的同學一起交錢，因為會平d，之後一起坐，大家讀附近的
學校，原來佢都識我班某d人。放學排隊拎飛，勁多人，之後去買麵包食，好正，白汁
碎蛋包返到屋企都差不多九點，食飯，十一點幾瞓。
(0)