上校園電視台
4:30am:驚醒，發了一個好夢，一個惡夢。好夢是夢到偶像zarahn和
張繼聰，endy仲同我笑呀!惡夢是自己無啦啦在診所，有一婦
人帶了一頭惡狗，想撲向我。
5:30am:鬧鐘誤鳴，醒唒，之後瞓唔番，碌來碌去。
6:30am:起床，唸唸有詞有詞背稿，被姐說有黑眼圈。
7:09am:好緊張，尋日真係唔識驚，上到校車，平日實瞓，今日一來緊張，一
來怕自己瞓完呆呆滯滯，上鏡更笨。
7:28am:返到學校，見到阿列，個傻妹今日又比賽喇，希望佢得啦。
7:40am:早餐、談天中
8:10am:第一次入到電視台個室，好多儀器呀，希希和我戰戰競競地進內，
因為希希要做時事短講，阿媽(即我地其中一個班主任)就叫我講埋
佢果份喇，突然要背多幾句，好驚自己唔記得。綵排了2次。
8:50am:出街喇，英文學會個男仔講完之後就到我喇，個腦空白，豁出去。
大致暢順，之後到希希喇，咁長的稿都記得，仲好淡定。
約9am:完喇，大家一起拍掌，果下覺得有d成功感，覺得自己大個女左。阿媽
話我講得幾好，同學都話我夠定。我要上到課室先平伏到。
經過今次之後，知道什麼叫”台上一日功，台下十年功”，雖然沒有那麼嚴重，
但是不同的人也在努力，覺得好講求team work，大家都好合作，俾心機去完成
一件事，令人動容，這是一個好的回憶，第日我仲有大把機會上去，我一定要做到
好好睇睇。
P.S.多謝在場一直陪住我同希希兩個傻豬的襄襄。
(0)