ZARAHN你地好正呀!!!
標題乃最直接的心底話，好慶幸自己買左第三場的飛，一條冷自己傻更
更去藝術中心，去的時候發生了”原地轉”事件，不過算啦。
睇到自己的偶像開show真係好開心又感動，好想喊，成場full唒，小試牛
刀開4場，都咁多人捧場。pixel toy的何山與少爺占都有去。
係第一首歌”舉”的時候，endy就叫大家起身，大家都企哂響到，個位真係坐
左10分鐘都無，大家又一起打拍子，氣氛超好。五人(加埋佢地青梅竹馬的女
Keyboard手)在台上發光發亮 ，拖展渾身解數，成隊band都夾得好好。
佢地有化眼妝呀，幾搶。有”懷舊金曲”、”遊戲環節”，仲有派糖，”懷舊金曲”
勁好笑，阿jerry兒時唱的經典金曲更是一絕!佢地其實都唔係好明白點解係派糖
完先玩遊戲，哈，每埸禮物唔同，第2場係掟蕉，我接唔到，如果坐落2行就應該
有，至於點解派糖呢﹖是因為嘉賓是candy lo盧巧音是也，candy帶埋個結他上
來，一起jem，ok噃，real candy返來喇!!!唱左首愛爾蘭的歌，佢把聲係襯rock
歌的，好希望下次candy出碟可以行返rock的路線呀!!!candy唔係出現左好耐，
真是意猶未盡呀!!!
快樂的時光總是過得特別快，雖然我地果場已經overrun左，不過無人肯走，
個個依然企響到，一邊打拍子，一邊嗌”zarahn”，持續了幾分鐘，佢地終於俾我地
感動左，偶像們亦說這是氣氛最好的一埸，佢地換左衫出現，encore成功!!!jerry
更在我們的鼓勵之下唱了幾句”搖滾小學”呢!不錯嘛，如果有買碟睇過dvd就會明白
點解佢唔唱。我們一邊和唱，一邊打拍子。
當佢地唱完歌，講哂一大堆多謝辭之後，五人撓手跳了一支”多謝舞”(個名我作的)
，真係唔想佢地跳完，他們坦然也不知去向如何……我想佢地繼續一起呀!!!
之後佢地有到紀念品檔sell tee、cd&poster，好多人影又唔夠高……見到goro
個頭(最高嘛佢)goro好型~同見到endy d頭髮，唔明點解職員連大poster都唔俾影
……我無等佢地走，我走喇。好累，想去搭船，點知去到碼頭先知尾班船開左，之後
乘MTR+KCR返屋企。返到去12點幾，差不多2點瞓。
雖然隻手拍到好痛，企到好累，不過好值，偶像們令我們覺得好驕傲，而且有
一大群人同自己一樣咁支持偶像們，就覺得好感動。
(0)